Xabarlarga ko'ra, Anthropic bosh direktori Amodeiga super ovoz berish huquqi berilishi rejalashtirilmoqda

Seshanba kuni The Information manbasiga tayanib xabar berilishicha, ushbu sun'iy intellekt startapi Amodei va boshqa hammuassislarga qo‘shimcha ovoz huquqiga ega aksiyalar turini joriy qilishni rejalashtiryapti.

Shu bilan birga, kompaniya mavjud bo‘lgan, aksiyador bo‘lmagan ishonchli shaxslar tuzilmasini saqlab qolishni va maxsus aksiyalar toifasi orqali ular kompaniya direktorlar kengashining ko‘pchilik aʼzolarini saylash huquqiga ega bo‘lishni ko‘zlamoqda.

Anthropic eng tez fursatda joriy yilning kuzida Wall Street’da ommaviy joylashtirilishi kutilmoqda va bu IPO tarixdagi eng yiriklardan biri bo‘lishi taxmin qilinmoqda.

Joriy yil may oyida yakunlangan investitsiya raundi kompaniya bahosini 96.5 milliard dollargacha yetkazdi – bu esa unga birinchi marta raqibi OpenAI’dan ustunlik olib kirib, dunyodagi eng yirik xususiy kompaniyalar qatoriga kiritdi.

Taklif qilinayotgan super ovoz huquqining joriy etilishi – bu Anthropic hammuassislarining birinchi marta qo‘shimcha ovoz berish vakolatiga ega bo‘lishidir.

Bu holat eʼtiborga loyiq, chunki boshqa texnologiya kompaniyalari asoschilariga nisbatan, Anthropic hammuassislarning kompaniyadagi ulushi ancha past. Manbalarga ko‘ra, Amodei’ning o‘zi kompaniyaning atigi taxminan 2 foiz ulushiga ega.

Ikkita aksiyalar tuzilmasi asosiy fondatorlar boshqaruvidagi texnokomaniyalarda keng tarqalgan bo‘lib, asoschilarni qisqa muddatli aksiyadorlarning bosimidan himoya qilish uchun nazorat imkonini oshiradi.

Meta bosh direktori Zuckerberg super ovoz huquqiga ega aksiyalar orqali taxminan 60% ovoz nazoratiga ega; SpaceX’da ham ikki darajali aksiyalar tuzilmasi orqali asoschi Elon Musk muhim qarorlar qabul qilish vakolatiga ega.

Biroq, xabarlarga ko‘ra, bu galgi ovoz berish tartibining aniq tafsilotlari hanuz aniqlanmagan va reja o‘zgarishi mumkin.

Anthropic tuzilmasi o‘ziga xos xususiyatga ega bo‘lib, kompaniya ijtimoiy foydali korxona (Public Benefit Corporation) maqomida, yaʼni qonun nuqtai nazaridan tijorat manfaatlari bilan jamiyat va jamoat manfaatlari o‘rtasida muvozanat saqlash majburiyatiga ega.

Kompaniyada "Uzoq muddatli manfaat ishonchi" (Long-Term Benefit Trust) deb ataluvchi mustaqil nazorat organi ham tashkil etilgan – bu tuzilma kompaniyaning jamoat manfaatlariga sodiq qolishini ta’minlash uchun javobgardir.

Taklif qilinayotgan, aksiyador bo‘lmagan ishonchli shaxslar uchun aksiyalar toifasi yuqoridagi tuzilma doirasida ishlab chiqilgan bo‘lib, ushbu guruhga direktorlar kengashining ko‘pchilik aʼzolarini saylash huquqini beradi va kompaniya boshqaruvida mustaqil muvozanat saqlanishini ta’minlaydi.

Anthropic va uning raqibi OpenAI allaqachon ommaviy joylashtirish uchun maxfiy hujjatlarni taqdim etishgan. Tijoriy kengayish, investorlar daromadi va ijtimoiy manfaatli missiya o‘rtasida muvozanatni saqlash Anthropic uchun kapital bozorlarida asosiy sinov bo‘ladi.