Modi Hindiston bozorida oltinning jozibasini pasaytira olmadi

　 Hindistonning eng yirik zargarlik chakana sotuvchisi ma’lumotiga ko‘ra, hind xalqi Narendra Modi hukumatining oltin xaridini cheklashga chaqirig‘iga e’tibor bermayapti.

　 Tata Group tarkibidagi Titan kompaniyasining foydasi 63%ga oshdi, so‘nggi chorakda xaridorlar soni ham ko‘paydi. Kompaniyaning asosiy daromad manbai – zargarlik savdosi.

　 Hindiston bosh vaziri Modi may oyida fuqarolardan oltin xaridini vaqtincha to‘xtatishni so‘raganiga va Eron inqirozi paytida oltin importi boji ikki baravardan ko‘proqqa, ya’ni 15%gacha oshirilganiga qaramay, oltin talabi o‘sishda davom etmoqda.

　 O‘tgan hafta boshida Modi yana bir bor chaqiriq bilan chiqdi: hindlar "zarur bo‘lmasa" oltin sotib olmasliklari kerakligini aytdi.

　 Titan boshqaruv direktori Achoi Choura ko‘ra, bu choralar "uzoq davomli emas", oltin talabi asosan iste’molchilarning oltin narxiga bo‘lgan munosabatiga bog‘liq. Titan Hindistonda 3700ga yaqin do‘konda zargarlik buyumlari, soatlar va ko‘zoynaklar sotadi.

　 Choura shunday dedi: “Iste’molchilarning zargarlik buyumlari va oltinga mehr-muhabbati saqlanib qolmoqda. Ular oltinni kapital qiymatini himoya qilish vositasi sifatida ko‘rishadi. Ba’zilarning umuman zargarlikni sotish niyati bo‘lmasa ham, uni investitsiya portfellarining bir qismi deb bilishadi.”

　 Bu yilgi neft narxi zarbalari Hindistonning Ko‘rfaz mintaqasiga energiya borasidagi qaramligini fosh etdi va bu, o‘z navbatida, Hindiston valyutasi va zaxiralariga bosim yetkazmoqda.

　 Oltin xaridini cheklash – Dehli hukumatining importni kamaytirish va doimiy qadrsizlanayotgan rupiyaga tayanch yaratish rejasining bir qismi. World Gold Council ma’lumotiga ko‘ra, Hindiston butun dunyo zargarlik sohasidagi oltin talabining deyarli uchdan bir qismini tashkil etadi. Joriy yil iyun oyida Hindiston oltin zargarlik savdosi o‘tgan yilga nisbatan uchdan birga ko‘payib, 21 milliard dollarga yetgan.

　 Boji oshirilishidan tashqari, Modi hindlarni ushbu qimmatbaho metallni sotib olishdan ham tiyilishga chaqirdi, garchi u festival va to‘y marosimlarida katta madaniy va diniy ahamiyatga ega hamda investitsion mahsulot sanalsa ham. “Bir yil davomida qanday tadbir bo‘lmasin, biz oltin taqinchoqlar xarid qilmasligimiz kerak,” degan edi u o‘shanda.

　 Ammoki, bu chaqiriq deyarli e’tiborsiz qoldi. World Gold Council iyul oyida aytishicha, Hindistondagi asosiy ro‘yxatga olingan zargarlik do‘konlari kuchli choraklik natijalar ko‘rsatdi va diniy bayramlar hamda yozgi to‘y mavsumi sabab daromad yil bo‘yicha 30% dan 60% gacha oshdi.

　 Garchi ko‘plab hindistonlik o‘rta sinf oilalar hozirda aksiyalar va sarmoya fondlariga ham mablag‘ kiritayotgan bo‘lsa-da, Titan moliyaviy direktori Ashok Songtaliya oltin hali ham juda mashhur investitsion mahsulotligicha qolmoqda. “Hatto men moliya sohasini yaxshi tushunadigan odam bo‘lsam ham, baribir oltinga sarmoya kiritaman,” dedi u.

　 Titan Hindistonning yirik va tarqoq zargarlik bozorining deyarli o‘ndan bir qismiga egalik qiladi, uning aksiyalari shu yil deyarli chorak qismga qimmatlashdi. Solishtirish uchun, Titanni ham o‘z ichiga olgan ko‘k chip indeks Nifty 50 esa shu davrda deyarli 9%ga tushib ketdi.

　 Nomura tahlilchilari aytyaptiki, o‘tgan yildagi susayishdan so‘ng, iste’molchi talabi tiklana boshladi va Titan "o‘zini qulay pozitsiyada" ko‘rsatmoqda.

Muharrir: Jiang Xuesi