Ethena ekotizimida ENA tokeniga bevosita ta'sir ko‘rsatishi mumkin bo‘lgan muhim boshqaruv qarori qabul qilindi. Ethena Foundation bayonotiga ko‘ra, protokol daromadlari ENA sotib olish uchun ishlatilishini nazarda tutuvchi “to‘lovni konvertatsiya qilish” taklifi 100% qo‘llab-quvvatlanish bilan ma’qullandi.
Qarordan so‘ng, dastur asosidagi ENA sotib olishlar boshlanishi e’lon qilindi. Fondning aytishicha, sotib olish dasturi ko‘rsatilgan samaradorlik ko‘rsatkichlari va bosqichlarga erishilgan sari bosqichma-bosqich kengaytiriladi. Shunday qilib, Ethena protokolidan olingan daromadning bir qismi bevosita bozordan ENA sotib olish uchun ishlatilishi rejalashtirilgan.
Bu voqea ENA narxiga ham ijobiy ta’sir ko‘rsatdi. Bozor ma’lumotlariga ko‘ra, so‘nggi 24 soat ichida ENA taxminan 15 foizga oshib, $0.172 ga yetdi. Ushbu token bozor kapitallashuvi bo‘yicha 45-o‘rinni egallaydi.
So‘nggi qaror Ethena Foundation tomonidan 27-avgust kuni e’lon qilingan kengroq token iqtisodiy o‘zgarishlarining davomidir. O‘sha bayonotda, Fond to‘rtta muhim o‘zgarishni ochiqlagan edi: dastlabki investorlar tomonidan ushlab turilgan bloklangan tokenlarni qayta sotib olish, ENA tokeni va kompaniya aksiyalari o‘rtasida iqtisodiy uyg‘unlikni oshirish, protokol daromadlari hisobidan ENA sotib olish uchun boshqaruv jarayonini boshlash va venchur kapital investorlar uchun kelgusi oy tokenlarining blokdan chiqarilishini bekor qilish.
